"QazaqGaz" AQ elimizdiń negizgi gaz kompanıasy sanalady.
Hústonda ótip jatqan CERAWeek halyqaralyq energetıkalyq konferensıasy aıasynda QazaqGaz basshysy Sanjar Jarkeshov ulttyq gaz kompanıasynyń IPO-ǵa shyǵý jospary týraly aıtty, dep habarlaıdy Almaty-akshamy.kz
RIA Novostı aqparat agenttiginiń habarlaýynsha, Jarkeshov kompanıanyń 2025 jylǵa qaraı aksıalardy alǵash ret jarıa ornalastyrý josparyn rastady.
"2025 jylǵa nemese sol merzimge qaraı IPO-ǵa daıyndalyp jatqan jańa ulttyq kompanıa retinde biz ESG-ge kóp kóńil bólemiz", - dedi ol.
ESG (environment, social, governance) "ekologıa, áleýmettik saıasat jáne korporatıvtik basqarý" degendi bildiredi. Keń maǵynada bul qorshaǵan ortaǵa qamqorlyqpen qaraý, joǵary áleýmettik jaýapkershilik jáne sapaly korporatıvtik basqarý prınsıpterine negizdelgen komersıalyq qyzmettiń turaqty damýy.
ESG qaǵıdattaryn qazirgi maǵynasynda alǵash ret BUU-nyń burynǵy bas hatshysy Kofı Annan bekitken. Ol iri álemdik kompanıalardyń basshylyǵyna eń aldymen klımattyń ózgerýine qarsy turý úshin osy prınsıpterdi óz strategıalaryna qosýdy usyndy.