Adam ómirine arasha túsken ınspektor.
Qazaqstan Respýblıkasynyń ishki ister mınıstri M.Ahmetjanov Almaty qalasy boıynsha qylmystyq-atqarý júıesi departamentiniń ınspektory Saltanat Dýsýbaevany adam ómirin qutqaryp qalǵany úshin «Qylmystyq-atqarý júıesiniń úzdigi» tósbelgisimen marapattady, dep habarlaıdy Almaty-akshamy.kz.
Saltanat Dýsýbaeva Arqalyq – Qostanaı jolaýshylar poıyzynda kele jatyp, kútpegen jerden esinen tanyp, qulaǵan jolaýshyny qutqaryp qalǵan bolatyn.
«Poıyzda otyrǵanymyzda, janymda otyrǵan jolaýshy qyz aıaq astynan ózin jaman sezinip, qulap bara jatty. Men dereý kómekke kelip, qan qysymyn ólshep, jasandy demaldyrýǵa kiristim. Keýdesi men aıaǵyna sýyq basqan soń ǵana esin jınady», – deıdi Saltanat.
Kelesi Esil stansıasyna jetkende naýqasty "jedel járdem" dárigerleri kútip alǵan. Dárigerlik bilimi bolmasa da, Saltanattyń der kezinde alǵashqy medısınalyq kómek kórsetýiniń nátıjesinde jolaýshy qyz aman qaldy.