«Qazaqfılm» janyndaǵy «Qazaqanımasıa» shyǵarmashylyq birlestigi 13 serıadan turatyn «Toqash pen Baqash» anımasıalyq jobasyn aıaqtady. Joba bıyl kórermenge usynylmaq, dep habarlaıdy aqshamnews.kz
Sondaı-aq «Ulttyq kınony qoldaý memlekettik ortalyǵynyń» qoldaýymen qysqametrajdy «Úmit árdaıym janymyzda» jáne tolyqmetrajdy «Altyn Adam» anımasıalyq fılmderi jaryqqa shyǵady.
2024 jyly qazaq anımasıasynyń klasıkalyq týyndylary «Aqsaq qulan», «Aqyl men baılyq», «Qarlyǵashtyń quıryǵy nege aıyr» zamanaýı formatta jańartyldy. Sonymen qatar, Gollıvýd stýdıalary qazaq tilinde dýblájdalǵan «Oıjumbaq 2», «Men jeksuryn 4», «Moana 2», «Mýfasa: Arystan patsha» jáne «Jabaıy robot» fılmderin keń prokatqa shyǵardy. «Kınopoısk» platformasy «Garfıld» anımasıalyq fılmin, al «Bee TV» «Da Vınchıdiń tańǵajaıyp oqıǵalaryn» qazaq tiline aýdaryp, onlaın kórsetilimge usyndy.
Bıyl «Qazaqanımasıa» aıasynda 10 jańa anımasıalyq joba men «Jibek», «Komanda A. Mısıa Aıka» fılmderiniń túsirilimi aıaqtalady dep josparlanýda. Sondaı-aq, qazaq kınosynyń altyn qoryndaǵy «Aq bota» fılmi restavrasıadan ótip, jańartylmaq. Memlekettik qoldaýǵa ıe bolatyn jańa anımasıalyq fılmder ulttyq qundylyqtar, ata-anaǵa qurmet, qazaq ertegileri, dostyq jáne sport taqyryptaryna arnalady. Qazaq anımasıasyn damytý maqsatynda 2025 jyldan bastap arnaıy strategıa ázirlenip, ony jetildirý jumystary jalǵasyn tabady.