Almatyda 7 qyrkúıek kúni saǵat 11.00-de Ál-Farabı atyndaǵy Qazaq ulttyq ýnıversıtetinde Almaty qalasy ákimdiginiń qoldaýymen, Almaty qalasy mýzeıler birlestiginiń uıymdastyrýymen memleket jáne qoǵam qaıratkeri, jazýshy, mádenıettanýshy, dıplomat, Ortalyq Azıa tarıhy men mádenıeti jónindegi kitaptardyń avtory Murat Muhtaruly Áýezdiń 80 jyldyǵyna arnalǵan «Tarıhı-mádenı úderistegi sabaqtastyq» taqyrybynda halyqaralyq ǵylymı-tájirıbelik konferensıa ótedi.
Konferensıaǵa otandyq jáne alys-jaqyn shetelderden 100-den astam ǵalym-zertteýshiler shaqyrylǵan, sonymen qatar jazýshylar, sheteldik dıplomatıalyq ókildikter men konsýldyq mekemelerdiń basshylary qatysady, dep habarlaıdy Almaty-akshamy.kz.
Konferensıada Murat Áýez eleýli úles qosqan «Jas tulpar» qozǵalysy, «Nevada-Semeı» qozǵalysy týraly máseleler, ulttyq kınemotografıadaǵy «Jańa tolqynnyń» qalyptasý máseleleri, «Jibek joly boıyndaǵy suhbattar» jobasy, Qytaıdaǵy elshi retindegi dıplomatıalyq qyzmeti, «Mádenı mura» baǵdarlamasyn iske asyrýdaǵy eńbegi, Qazaqstan tarıhyna, ádebıeti men mádenıetin tereń zerttegen eńbekteri baıandamalarǵa arqaý bolyp, jekelegen sesıalarda talqylanatyn bolady.
