Qazaq ulttyq horeografıa akademıasynda Máskeý memlekettik horeografıa akademıasynyń (MMAH) profesory Marına Býlankınanyń sheberlik synyby ótedi.
Erler men áıelder synyptaryn, bastaýysh jáne joǵary kýrstardaǵy mýzykalyq súıemeldeý núanstaryn oqytý josparlanǵan, dep habarlaıdy aqshamnews.kz.
Sheberlik synyby 28 qyrkúıekke deıin jalǵasady. Atalmysh is-shara konsertmeısterlerdiń kásibı daǵdylaryn damytý úshin ǵana emes, Qazaqstan men Reseı arasyndaǵy mádenı baılanystardy nyǵaıtý úshin, sondaı-aq horeografıalyq bilim berý salasyndaǵy halyqaralyq yntymaqtastyqty keńeıtý úshin septigin tıgizedi.
Marına Býlankına – akademıalyq yntymaqtastyqqa belsendi túrde úles qosyp júrgen maman. Ol túrli eldegi áriptesterimen birneshe ret sheberlik sabaqtaryn ótkizip, horeografıalyq óner salasyndaǵy konsertmeısterlerdi kásibı daıarlaý júıesin damytýda jemisti eńbek etip keledi. Konsertmeıster shákirtteri arasynda túrli konkýrstardyń laýreattary, sonyń ishinde halyqaralyq, jetekshi balet trýppalarynyń, teatr-konsert jáne oqý uıymdarynyń mamandary bar.