Qazaq ulttyq horeografıa akademıasy 3–4-synyp oqýshylary arasynda irikteý bastalǵanyn habarlaıdy.
Daryndy balalardy qabyldaý Qazaqstannyń barlyq óńirlerinde ótedi jáne 2025 jyldyń 24 sáýirine deıin jalǵasady, dep habarlaıdy aqshamnews.kz.
Akademıa kásibı balet ártisterin, horeografıa pedagogtaryn jáne osy saladaǵy zertteýshilerdi daıarlaıtyn elimizdegi jetekshi oqý orny bolyp tabylady. Oqytý kóp deńgeıli júıe boıynsha júrgiziledi – bastaýysh synyptan bastap bakalavrıat, magıstratýra jáne doktorantýra baǵdarlamalaryna deıin qamtıdy. Bilim berý prosesinde klasıkalyq jáne zamanaýı horeografıany tereńdetip oqytýmen qatar, jalpy orta jáne joǵary bilim berý baǵdarlamalary da usynylady. Bul túlekterge álemniń jetekshi teatrlary men oqý oryndarynda kásibin jalǵastyrýǵa múmkindik beredi.
İrikteý barysynda kásibı horeografıa salasynda oqýǵa beıimi bar daryndy balalar anyqtalady. Akademıanyń qabyldaý komısıasy balalardy qaraý úshin aımaqtarǵa arnaıy barady. Aldyn ala irikteýden sátti ótken úmitkerler 2025 jyldyń maýsym–shilde aılarynda Astanada ótetin túsý emtıhandaryna shaqyrylady. Emtıhandy sátti tapsyrǵan oqýshylar Akademıanyń tolyqqandy bilim alýshylary qataryna qosylyp, horeografıa óneriniń qyr-syryn meńgerý múmkindigine ıe bolady.
İrikteý ótkiziletin kún, ýaqyt jáne oryn týraly tolyq aqparat Akademıanyń resmı áleýmettik jelilerdegi paraqshalarynda jarıalanady: https://www.instagram.com/balletacademy_kz, https://balletacademy.edu.kz/kz, https://www.facebook.com/BALLETACADEMYKZ/