Endi qazaq tilinde jasandy ıntellekt, derekterdi taldaý, robototehnıka jáne kompúterlik ǵylymdar salasynda qoldanylatyn kóptegen termınder men sózderdiń aýdarmalary bar.
Ǵalymdar termınderdi aǵylshyn tilinen qazaq tiline aýdarýdyń ártúrli nusqalaryn qamtıtyn glosarı ázirledi. Ony Til saıasaty jónindegi komıtetke bekitýge jiberdi, dep habarlaıdy Almaty-akshamy.kz QazAqparatqa silteme jasap.
«Biz jasandy ıntellekt, derekter taldaý jáne robototehnıka salasyndaǵy kóptegen termınderdiń qazaq tilinde resmı bekitilgen aýdarmasy joq ekenin baıqadyq. Sondyqtan termınderdi qazaq tiline aýdarýdy bastadyq. Jasandy ıntellekt pen robototehnıka salasy Qazaqstanda belsendi damyp jáne keń taralǵandyqtan, termınderdiń aýdarmasyn usyndyq», - dedi ISSAI negizin qalaýshy jáne dırektory, profesor Atakan Varol.
Lıngvısıka salasyndaǵy sarapshylar men ISSAI mamandarynyń qatysýymen ótken respýblıkalyq termınologıalyq komısıanyń otyrystary barysynda keıbir sózder aýdarmasyz qabyldandy jáne ózindik aǵylshyn tilindegi aıtylýyn saqtap qaldy. Qalǵandary resmı túrde qazaqshaǵa aýdaryldy. Mysaly, artificial neural network termıni «jasyl neırondyq jeli» dep aýdaryldy, al boosting termıni qaryzǵa alynǵan sóz - býstıng retinde paıdalanýǵa sheshim qabyldandy. Barlyǵy 672 sóz resmı túrde bekitildi.
«Biz sıfrlyq ortada qazaq tiliniń damýyna úles qosa alǵanymyzǵa óte qýanyshtymyz», - dep qosty profesor Varol.