1958 jyly 8 naýryzda qazaq arnasynyń shańyraq kóterýi el tarıhyndaǵy eleń etkizer jańalyq boldy
QR Memlekettik ortalyq mýzeıinde «Qazaq televızıasynyń 65 jyldyǵy: taspadaǵy tarıh» atty mádenı is-shara ótti, dep habarlaıdy Almaty-akshamy.kz.
1958 jyly 8 naýryzda qazaq arnasynyń shańyraq kóterýi el tarıhyndaǵy eleń etkizer jańalyq boldy. Sol sátten búginge deıin ulttyq qundylyqtar men murattardy nasıhattaýda yqpaldy kúshke aınaldy.
Tarıhı derekterge súıensek, tuńǵysh qazaq telearnasynyń tyrnaqaldy habaryn respýblıka kórermenderi 4100 teledıdardan tamshalaǵan. Jeltoqsan aıynan kúndelikti 5 saǵattyq habar berile bastady. 1970-jyldary telebaıqaýlar dúnıege kelip, 1980-jyldary tok-shoýlarmen tolyqqan. Osy jyldar ishinde telearna san túrli ózgeristerdi bastan keshirdi. Alǵashqy kassetaly aýyr kameralar men symy bar mıkrofondardyń ornyna san qyrly tehnıkalyq múmkindigi bar sıfrlyq televızıa keldi. Birtindep oblystyq telestýdıalar da óz jumystaryn bastap, jergilikti halyqty sapaly aqparatpen qamtamasyz etken. El ómirinde qandaı eleýli oqıǵa bolsa, televızıa sonyń bel ortasynda júrdi. Kók sandyq qazaq kórermenin órkenıetke ilestire otyryp, kómbede qalǵan dúnıesimen qaıta qaýyshtyrdy. Ulttyq arna 2011 jyldyń qyrkúıek aıynan beri 100 paıyz qazaq tilinde habar tarata bastady.
Sharada «Qazaqstan» teleradıokorporasıasy Almaty fılıalynyń dırektory Jırenshına Sáýle Jánibekqyzy, qazaq televızıasynyń ardagerleri - dıktor, QR eńbek sińirgen ártisi Seıitov Lásker Qalıuly, jýrnalıs Qaımoldınov Tóleýbaı Smaǵululy, dıktor Begembaeva Fatıma Mamyrbekqyzy qatysty. Olar televızıanyń mádenıet pen ónerdi damytýǵa, ulttyń sananyń oıanyp, órisiniń keńeıýine orasan úlesi, ulttyq arnadaǵy qyzyǵy men qıyndyǵy qatar júrgen umytylmas sátterimen bólisti.
QR Memlekettik ortalyq mýzeıi dırektorynyń orynbasary Danıar Baıjumanov elimizdiń ulttyq murasyn nasıhattaýda zor eńbek sińirgen ardagerlerge alǵys hattar tabystady. Quttyqtaý sózinde «Tamyry tereńge jaıylǵan ulttyq arnanyń tarıhy, ol - eldiń taspadaǵy tarıhy. Búginde osy salanyń jetken jetistigi, alǵan asýy aldyńǵy tolqyndaǵy zerdeli, oıshyl, kásibı mamandardyń eńbeginiń jemisi», - dedi ol.
Shara sońynda qonaqtar «Qazaq televızıasynyń 65 jyldyǵy: taspadaǵy tarıh» taqyrybyndaǵy kórmeni tamashalady. Kórmege mýzeı qorynan 30-dan asa zattar qoıyldy. Atap aıtqanda, jazý mashınalarynyń, telefon jáne telegraf, tele,-radıoqabyldaǵysh qurylǵylarynyń alǵashqy úlgileri, sonymen birge búginde kúndelikti qoldanystan shyǵa qoımaǵan úlgileri kórsetildi.
Mádenı is-sharaǵa arnaıy mýzykalyq baǵdarlamamen kelgen Qazaq ulttyq qyzdar pedagogıka ýnıversıtetiniń «Ular» etnofolklorlyq ansambli, «Tomırıs» bı ansambli men «Asý» shoý-balet toby óz ónerlerin kórsetti.