EAEO elderimen shekaradan ótý ýaqyty qysqartylady
Memlekettik kirister komıteti EAEO elderinen astyq pen dándi daqyldardyń jekelegen túrlerin ımporttaý jáne eksporttaý kezinde TİJ rásimdeý mindetti ekendigin qulaǵdar etti, dep habarlaıdy Almaty-akshamy.kz.
Memlekettik kirister komıteti 2023 jyly 10 aqpannan bastap astyq pen dándi daqyldardyń jekelegen túrlerin ımporttaý jáne eksporttaý kezinde taýarlarǵa ilespe júkqujattardy (budan ári –TİJ) rásimdeý mindettelgenin eske salady. Bul QR Premer-Mınıstriniń orynbasary – Qarjy mınıstriniń 2022 jylǵy 22 qarashadaǵy №1178 buıryǵynda kórsetilgen.
Tasmaldaýshy EAEO elderinen (Reseı, Belarýs, Qyrǵystan jáne Armenıa) astyqty ımporttaý kezinde memlekettik kirister organdarynyń qyzmetkerlerine TİJ usynýy qajet.
Elektrondyq shot-faktýralardyń aqparattyq júıesinde (ESHF AJ) júk ıesi TİJ-niń elektrondy túrde toltyrylady. ESHF AJ júıesine tirkelý men jumys jasaý tegin.
"TİJ-nyń bolýy, júk qujattardy tekserý prosedýrasyn edáýir jeńildetedi jáne EAEO elderimen shekaradan ótý ýaqyty qysqartylatynyn nazarlaryńyzǵa jetkizemiz. TİJ-daǵy málimetter júk qujattaryndaǵy málimetterge sáıkes kelýi tıis, naqty tasmaldanǵan júk boıynsha sáıkessizdikter anyqtalǵan jaǵdaıda ákimshilik aıyppul qarastyrylǵan (20 den 100 deıin AEK, QR ÁQBtK – niń 283-1 baby)", - delingen habarlamada.