Túrkıanyń Ystambul qalasynda dástúrli Úmranıe kitap kórmesi ótti.
"Qaıyrshynyń mıllıarder dosy" atty hıkaıat Túrkıada úlken suranysqa ıe bolyp, jazýshyǵa arnaıy shaqyrtý jiberilgen. 100-ge jýyq qazaq jazýshysynyń eńbekterin túrik tiline aýdarǵan Ashýr Ózdemir kitaptyń jeńil aýdarylǵanyn, qoǵamdaǵy ózektiligin tilge tıek etti. Hıkaıattyń tiliniń jatyqtyǵy sonsha óz oqyrmanyn taýyp úlgergenin aıtady. Ashshy sarkazmmen, ýytty tilmen órnektelgen poveske suranys joǵary. Basa aıta keter bir jaıt, buǵan deıin shyǵarmalary alty tilge aýdarylǵan Qanaǵat Ábilqaıyrdyń "Qaıyrshynyń mıllıarder dosy" atty hıkaıaty taıaýda aǵylshyn tilinde jaryq kóredi dep kútilýde. Myń danamen shyqqan kitaptyń tusaýy osydan úsh jyl buryn kesilgen. Túrli janr toǵysqan týyndyny paraqtaı otyryp, qazirgi kúnniń shynaıy kelbetin kóre alasyz. Hıkaıatta qaǵanaǵy qarq qaltaly baılardyń, ásire astamshylyǵy men qarapaıym halyqtyń dármensizdigi sóz bolady, dep jazdy KTK.
"Arnaıy shaqyrǵan sebebi, byltyr Ashýr Ózdemir degen aǵamyz meniń «Mıllıarderdiń qaıyrshy dosy» degen kitabymdy túrik tiline aýdarǵan. Basylyp shyqqannan keıin suranys jaqsy bolypty. Kitap jaqsy ótipti. Nasıhaty jaqsy bolypty. Bizdegi sıaqty jaı ǵana kitap dúkenderi ǵana emes, olarda kitaptardy saıttarda, bizdegi ınternette satqan sıaqty satady eken. Sol arqyly týyndy jaqsy ótip jatyr, Sizdi kitap kórmesine shaqyramyz dep habarlasty", -dedi jazýshy Qanaǵat Ábilqaıyr