№ 47 jáne 195 mektepter janyndaǵy qosalqy nysandar 750 balany oqýshy oryndarymen qamtamasyz etedi
Almaty ákimi Erbolat Dosaev jumys sapary barysynda Túrksib jáne Medeý aýdandarynyń turǵyndarymen kezdesýler kezinde № 47 jáne 195 mektepter janynan salynatyn qosalqy nysandar qurylystarynyń jobalarymen, sondaı-aq birqatar shaǵyn aýdandarda ınjenerlik jeliler salý jumystarynyń barysymen tanysty, dep habarlaıdy almaty-akshamy.kz
Qala basshysynyń tapsyrmasy aıasynda Kamenskoe platodaǵy jalǵyz №47 memlekettik mektepte 300 oryndyq bastaýysh synyptarǵa arnalǵan eki korpýs paıda bolady.
Bul oqý orny 1971 jyly salyndy, kúrdeli jóndeý bir ret júrgizildi – 2012 jyly Medeý aýdany boıynsha 3,5 myńǵa jýyq oqýshy oryndarynyń tapshylyǵyn qysqartý aıasynda mektepti keńeıtý týraly sheshim qabyldandy.
Medeý aýdanynyń ákimi Erkebulan Orazalın qala basshysyna jobaǵa sáıkes aýdany 400 sharshy metr bolatyn bir qabatty korpýstyń buzylatyny, qoldanystaǵy úsh qabatty ǵımaratyń rekonstrýksıalanatyny ári 3200 sharshy metrge eki jańa ǵımarat salynatyny týraly baıandady. Jumys barysynda sport zalyn 2500 sharshy metrge jańǵyrtý josparlanǵan.
Injenerlik jelilerdi damytý boıynsha aýdan ákimi qosymsha rezervýarlar salynyp jatqanyn, joba aǵymdaǵy jyldyń sońyna deıin aıaqtalatynyn aıtty.
Sondaı-aq, jumys sapary barysynda qala basshysy Medeý aýdanyndaǵy oqý ornyna bardy. № 195 mektep «Álmerek» sh/a 5000-nan astam turǵynǵa arnalǵan jalǵyz bilim berý uıymy. Erbolat Dosaevtyń tapsyrmasy boıynsha qurylys basqarmasy 450 oqýshyǵa arnalǵan qosalqy nysannyń qurylys jobasyn ázirledi. Jumystardy aıaqtaý 2025 jylǵa josparlanǵan.
Erbolat Dosaev Almaty qalasynyń bilim basqarmasyna jáne aýdan ákimdigine qurylys kezeńinde balalardy oqytý men damytý úshin qolaıly jaǵdaılar qarastyrýdy tapsyrdy. Qala basshysy jalpy bilim beretin mekemelerge qosymsha korpýstar salý Almatynyń 2025 jylǵa deıingi damý baǵdarlamasyna mektepterdiń sapaly uıymdastyrylýyn qadamdyq qoljetimdilikti qamtamasyz etýge jaýap beretinin atap ótti.
Aýdandy aralaý barysynda qala ákimi ınjenerlik jeliler qurylysynyń barysyn tekserdi. Álmerek shaǵyn aýdanynda jobanyń birinshi kezegimen 2021 jyly 852 abonent qamtyldy, 15 jeltoqsanǵa deıin úzdiksiz sýmen jabdyqtaýǵa jáne ortalyq kárizge taǵy 339 abonent qosylady.
Erbolat Dosaev Kishi Almaty ózeniniń jaǵalaýyn abattandyrý josparymen de tanysty. Qala basshysy aýdan ákimine jaqyn mańdaǵy shaǵyn aýdandardyń turǵyndaryna yńǵaıly bolý úshin kópirdiń astynan sapaly jaıaý júrginshiler ótkelin jasaýdy tapsyrdy.
Jumys sapary barysynda Erbolat Dosaev halyqpen kezdesý ótkizdi jáne onyń barysynda qalanyń barlyq aýdandaryna qolaıly jaǵdaı jasaı otyryp, olardyń polısentrlik qaǵıdat boıynsha damýyn jalǵastyratynyn atap ótti.