Mýralda Máńgilik El ıdeıasy beınelengen, ol Qazaq radıosynyń ǵasyrlyq tarıhı evolúsıasymen ushtasqan.
Strıt-art joba radıoarnanyń dırektory Dýlat Abıbýllaev pen elorda ákimdiginiń bastamasymen, sondaı-aq qalalyq ýrbanıstıka ortalyǵynyń kómegimen júzege asyryldy, dep habarlaıdy Almaty-akshamy.kz
«Táýelsizdiktiń 30 jyldyǵy aıasynda bıyl birqatar qoǵamdyq-mádenı sharalar júzege asyryldy. Mysaly, Nur-Sultanda bizdiń radıonyń redaksıasynyń janyndaǵy kóshelerdiń biri «Qazaq radıosy kóshesi» dep ataldy. BAQ qyzmetkerleriniń kásibı merekesi qarsańynda Memleket basshysy Q. Toqaev 1 qazandy - Radıo qyzmetkerleri kúni dep jarıalaýdy usyndy. Dál osy kúni, osydan 100 jyl buryn Qazaq radıosy óziniń habar taratýyn bastady. Ardagerler men radıo qyzmetkerleri bul bastamany zor qýanyshpen qabyldady. Mýral qalanyń kórikti jerinde - Saýran men Syǵanaq kósheleriniń qıylysynda ornalasqan. Nur-Sultan qalasynyń ákimdigine, Esil aýdanynyń ákimdigine jáne qalalyq ýrbanıstıka ortalyǵyna zor alǵysymdy aıtqym keledi. Bul jer radıosúıer qaýym men qala turǵyndary úshin taǵy bir aıshyqty oryndardyń biri bolady degen úmittemin«, - dedi «Qazaq radıolary» JSHS Bas redaktory – «Qazaq radıosy» radıoarnasynyń dırektory Dýlat Abıbýllaev.
Qazaq radıosy Orynbordan habar taratýdy 1921 jyly halyq aǵartýshysy Ahmet Baıtursynovtyń bastamasymen bastady jáne qazir el aýmaǵynyń 90%-na habar taratady.