Astanada kúres túrleri boıynsha ótip jatqan Azıa chempıonatynda qazaqstandyq Elmıra Syzdyqova (76 kelige deıin) qyrǵyzstandyq Aıperi Medetqyzyn taza utyp, eki dúrkin Azıa chempıony atandy, dep habarlaıdy Almaty-akshamy.kz Tengrinews.kz-ke silteme jasap.
Qazaqstandyq «sary qurlyq básekesin» shırek fınaldan bastady. Alǵashqy beldesýinde ózbekstandyq Ozoda Zarıpbaevany merziminen buryn utty. Sosyn jartylaı fınalda qytaılyq Hýan Vangti upaı sanymen jeńdi.
«Jospar boıynsha kúrestik. Maqsatyma jettim. Shynyn aıtqanda, ózime rızamyn. Úlken úzilis, jaraqatym boldy. Endi aqyryndap bastadyq. Bárine raqmet! Óte qýanyshtymyn!» - dedi ol fınaldaǵy jeńisinen keıin bergen suhbatynda.
Aıta keteıik, Elmıra Syzdyqova bıyl QR-nyń VI jazǵy Spartakıadasynda top jardy. Ol osyǵan deıin Azıa chempıonatynda 6 júlde jeńip alǵan (1 altyn, 2 kúmis, 3 qola).