Italıanyń Kolalbo qalasynda kónkımen júgirýden jasóspirimder arasyndaǵy dúnıejúzilik doda ótti.
Álemdik alamannyń kezekti, ıaǵnı ekinshi kezeńinde ulttyq komanda ókilderi birneshe ret jeńis tuǵyryna kóterildi, dep habarlaıdy almaty-akshamy.kz 24.kz-ke silteme jasap. Atap aıtqanda, 1 000 metrlik básekede Inessa Shúmekova jeńimpaz atansa, taǵy bir qazaqstandyq Arına Iláshenko kúmis júldege qol sozdy. Al 500 metrlik básekede qazaqstandyq Margarıta Artemeva eń úzdik nátıjeni tirkedi. Ol atalǵan aralyqty 40,04 sekýndta júrip ótti.
Joǵaryda aty atalǵan Inessa Shýmekova bolsa, dál osy synda ekinshi orynǵa turaqtady. Al Qazaqstannyń eresekter quramasy dál qazir Norvegıanyń Stavanger qalasyndaǵy álem kýbogyna qatysyp jatyr. V dıvızıonda Nadejda Morozova eń úzdik nátıjeni tirkeldi. Ol 500 metrlik aralyqty 38,84 sekýndta júrip ótti. Buǵan Nadejda Morozova A dıvızıonda da baǵyn synap, 5-shi jáne 6-shy orynǵa turaqtaǵan bolatyn. Ulttyq komandanyń basqa ókilderi, ıaǵnı Ekaterına Aıdova 8-shi, al Alına Daýranova 12-shi orynǵa turaqtady.