Saýda kórsetkishin 2 mlrd-qa jetkizý mindeti tur
Qasym-Jomart Toqaevtyń Qyrǵyzstanǵa resmı sapary barysynda qos tarap osyndaı kelisimge keldi. Keńeıtilgen formatta kelissózder júrgizgen prezıdentter aradaǵy taýar aınalymyn arttyrý kerek degen ortaq toqtamǵa keldi.
Endi qos úkimettiń aldynda saýda kórsetkishin, jaqyn arada 2 mlrd jetkizý mindeti tur. Qasym-Jomart Toqaevtyń oıynsha, taýar aınalymyn ulǵaıtý úshin kedendik rásimderdi sıfrlandyrý qajet.
Memleket basshysy anaǵurlym áleýetti jobalardyń tizimin jasap, ınvestısıalyq yntymaqtastyqty jandandyrýǵa shaqyrdy. Qyrǵyzstanda gıdroenergetıkalyq nysandy, atap aıtqanda, Qambar ata GES-in birlesip salý sonyń biri bolýy múmkin.