S.J.Asfendıarov atyndaǵy Qazaq ulttyq medısına ýnıversıtetinde «Respýblıkalyq referendým – quqyqtyq shyǵarmashylyqty demokratıalandyrý jáne konstıtýsıalyq reformany zańdastyrý quraly» atty dóńgelek ústel ótti dep habarlaıdy almaty-akshamy.kz
Sharaǵa S.J.Asfendıarov atyndaǵy QazUMÝ rektory Talǵat Nurǵojın, zań ǵylymynyń doktory, ýnıversıtet profesory Bınur Taıtorına, Halyqaralyq bilim berý korporasıasynyń Marketıń departamentiniń dırektory Dıana Malaeva jáne ýnıversıtet dekandary, oqytýshylary qatysty.
S.J.Asfendıarov atyndaǵy QazUMÝ profesory, zań ǵylymynyń doktory Bınur Taıtorına referendým týraly tolyqqandy baıandama jasap, jınalǵandardyń qoıǵan suraqtaryna jaýap berdi.
«Negizgi talqylanǵan másele – 5 maýsym kúni ótetin referendým. Ózderińiz bilesizder, referendým eldiń saıası ómirinde aıtarlyqtaı mańyzy bar úrdis. Konstıtýsıalyq reforma – tarıhı oqıǵa. Referendým týraly tolyq aqparat alyp qana qoımaı, kýási bolyp, baryp qatysýymyz kerek. Ýnıversıtet kóleminde referendým týraly sharalar eki aptadan beri ótkizilip kele jatyr. 1-2 kýrsta, bakalavrıatta, ınternatýrada, rezıdentýrada oqıtyn stýdentterge, ýnıversıtet qyzmetkerlerine referendým týraly túsinikti tilde baıandama jumystaryn júrgizdik»,- dedi ol.