Jarysqa 9 eldiń qurama komandalary qatysyp jatyr
Eýrazıalyq lıganyń kedergilerden ótý boıynsha Álem Kýbogynyń III kezeńi 2022 jylǵy 25-29 mamyr aralyǵynda «Suńqar» shańǵy tramplınderi kesheninde ótýde, dep habarlaıdy Almaty-akshamy.kz.
Eýrazıalyq báseke lıgasynyń İ kezeńi Tashkent qalasynda (Ózbekstan), II Bishkek qalasynda (Qyrǵyzstan) bolyp ótti. IV kezeń Tbılısı qalasynda (Grýzıa), Tegeran qalasynda (Iran) ótedi.
Jarysqa 9 eldiń (Qazaqstan, Ózbekstan, Qyrǵyzstan, Ázirbaıjan, Grýzıa, Iran, Germanıa, Polsha, Nıderlandy) qurama komandalary jáne basqa da jaqyn jáne alys shet elderdiń sportsshylary, sondaı-aq halyqaralyq tóreshiler men sarapshylar qatysýda. Tóreshiler quramy Malaızıa, Polsha, Iran, Ózbekstan, Lıtva, Túrkıa, Estonıa, Qazaqstan mamandarynan quralǵan.
Jeńimpaz Gran-prı Kýbogynyń ıegerleri atanǵan komandalar arasynda 2022 jyldyń qazan aıynda Barselonada ótetin Ulttar Kýbogynyń fınalyna qatysýǵa lısenzıa oınatylady.
Osyndaı deńgeıdegi is-sharalar at sportyn ilgeriletýge jáne Almaty qalasy men Qazaqstan Respýblıkasynyń turǵyndary arasynda tanymal etýge serpin beredi.