Ǵylym - adamzattyń aınasy
Qazaqstan Respýblıkasynyń Ulttyq kitaphanasynda M.O. Áýezov atyndaǵy Ádebıet jáne óner ınstıtýtynyń uıymdastyrýymen, jańadan jaryq kórgen ǵylymı eńbekterdiń tusaýkeseri bolyp ótti, dep habarlaıdy Almaty-akshamy.kz
Jıynǵa QR UǴA korespondent-múshesi, Instıtýt dırektory Kenjehan Matyjanov moderatorlyq jasady. Sondaı-aq Qazaqstan Respýblıkasy Ulttyq kitaphanasynyń dırektory Baqytjamal Ospanova, belgili ádebıettanýshy, ónertanýshy, fólklortanýshy ǵalymdar Tynysbek Qońyratbaev, fılologıa ǵylymdarynyń doktory Baqytjan Ázibaeva, alashtanýshy Aıgúl İsmaqova, ádebıettanýshy profesor Qanıpash Mádibaeva, fılologıa ǵylymdarynyń kandıdaty Saǵatbek Medeýbek, áýezovtanýshy Gúlzıa Pirálıeva, shetel ádebıetin zertteýshi Svetlana Ananeva, fólklortanýshy Dúısengúl Jahan, ınstıtýt dırektorynyń ǵylym jónindegi orynbasary Almıra Qalıeva, shyǵystanýshy Tóráli Qydyr, jazýshy Serik Asylbekuly, dástúrli ánshi Sáýle Janpeıisova, T.Júrgenov atyndaǵy Qazaq ulttyq óner akademıasynyń profesory Orazqulova Qaldygúl, t.b. mádenıet pen rýhanıat janashyrlary, jas ǵalymdar qatysty.
Sharanyń maqsaty - M.O. Áýezov atyndaǵy Ádebıet jáne óner ınstıtýtynyń sońǵy 3 jylda jaryq kórgen ǵylymı, akademıalyq eńbekteri men tanymdyq, ádebı-kórkem basylymdaryn ǵylymı ortaǵa tanystyrý, kitaphana qoryna tapsyrý arqyly jalpy aınalymǵa engizý jáne kópshilikke nasıhattaý.
Tusaýkeser rásiminde Qazaq fólklorynyń qasterli uǵym-túsinikter álemi, Qazaq qoljazbalarynyń ǵylymı sıpattamasy, Uly dala oıyndary (Oıyndyq fólklor), Matyjanov K. Kazahskıı semeınyı fólklor, Qoja Ahmet Iasaýı hıkmetteri, «Rýhanı jańǵyrý» ıdeıasyn júzege asyrýdaǵy kórkem ádebıettiń rýhanı resýrstyq áleýeti, Jahandaný dáýirindegi «Rýhanı jańǵyrý» konseptindegi ulttyq kod: kórkemdik jáne ádebıettanýlyq negizderi, Qazirgi qazaq dramatýrgıasyndaǵy ınovasıalyq izdenister, Abaı ilimi – ulttyń rýhanı-mádenı kody, Kúltýra v globalnom mıre, Kazahstan v moeı sýdbe. Hrestomatıa sovremennoı lıteratýry. Poezıa. T. 1., Kazahstan v moeı sýdbe. Hrestomatıa sovremennoı lıteratýry. Proza. T. 2., M.O. Áýezovtiń Qazaqstandaǵy ádebıettaný jáne ádebı synnyń damýy men qalyptasýyndaǵy róli, «XVII Áýezov oqýlary» ǵylymı-praktıkalyq konferensıasynyń materıaldary, «XVIII Áýezov oqýlary» ǵylymı-praktıkalyq konferensıasynyń materıaldary, Lıteratýra Kazahstana v zarýbejnyh ıstochnıkah, Táýelsizdiktiń 30-jyldyǵyna arnalǵan «Táýelsizdik: ádebıet pen kórkem óner» atty halyqaralyq ǵylymı konferensıa, Abaı shyǵarmalarynyń akademıalyq tolyq jınaǵy. Úsh tomdyq. İ-İİ-İİ-tom, Jambyl shyǵarmalarynyń akademıalyq tolyq jınaǵy. Úsh tomdyq. İ-İİ-İİ-tom, Jastardyń ulttyq sana-sezimin qalyptastyrýdaǵy kórkemónerdiń róli, Kúltýrnaıa paradıgma «Máńgilik El» ı globalızasıa ıskýsstva Kazahstana. Kollektıvnaıa monografıa, Jahandyq dáýirdegi qazaq dástúrli mýzyka mádenıetiniń jańǵyrýy, Qaztýǵanova A. Jahandyq dáýirdegi kúı óneriniń damý úderisi, Kóne kúılerdi júıeleý men irikteý jumystarynyń ózekti máseleleri, Vospevaıa prekrasnoe – vechnye dýhovnye sennostı. Materıaly mejdýnarodnoı naýchno-praktıcheskoı konferensıı, prıýrochennoı k 85-letıý chlen-koresspondenta NAN RK, doktora ıskýsstvovedenıa, profesora S.A.Kýzembaı syndy ǵylymı-tájirıbelik dóńgelek stol materıaldary, monografıalar, akademıalyq jınaqtar tanystyryldy.
Instıtýt – qazaq kórkem mádenıetin turaqty túrde ári keshendi zertteýmen aınalysatyn Qazaqstandaǵy birden-bir mekeme. Elimizdiń rýhanı-mádenı álemindegi kórkem qubylystardy irgeli jáne qoldanbaly turǵyda zertteı otyryp, ulttyq tanym men zerdeli oı kókjıegin keńeıtýge úles qosyp kele jatqan ǵylym shańyraǵynyń keıingi eńbekteri san salaly.
Osy rette ádebıet pen ónerdiń urpaq tárbıesindegi orny men róli, kórkem ónerdiń jeke salalarynyń damý úrdisteri, jahandyq mádenıet aıasyndaǵy qazaq rýhanıaty, kórkemdik ıntegrasıalar, ulttyq jadtyń jańǵyrýy syndy máselelerge arnalǵan monografıalyq eńbekter men ǵylymı jınaqtar, antologıalyq, hrestomatıalyq tomtamalar, ǵylymı-akademıalyq aýdarmalar aınalymǵa qosylyp otyr.
Tusaýkeser rásiminde árbir ǵylymı eńbektiń mán-maǵynasy túsindirildi. İs-sharada halyqtyń dástúrli ánderi oryndaldy. Kóz maıyn taýysyp jumys jasap júrgen ǵalymdardyń orasan zor eńbegi aıtyldy.