İri kompanıalar atalǵan baǵyt boıynsha jumystardy bastap ketken.
Qazaqstan Úkimeti TJQ BNA kodtaryn jasaý jónindegi jumystar 2022 jyldyń 1 shildesinen bastap kúshine enetinin eskertip otyr, dep habarlaıdy Almaty-akshamy.kz.
«QR IIDM Indýstrıalyq damý komıtetiniń uıymdastyrýymen jer qoınaýyn paıdalanýshylardy taýarlardyń, jumystar men kórsetiletin qyzmetterdiń Biryńǵaı nomenklatýralyq anyqtamalyǵyna kóshirý máselesine arnalǵan basqosý ótti», - delingen IIDM baspasóz qyzmetiniń habarlamasynda.
Zoom platformasynda uıymdastyrylǵan onlaın formattaǵy jıynǵa «Samuryq-Qazyna Kontrakt», QazIndustry jáne bıznes ókilderi qatysty.
Indýstrıalyq damý komıtetiniń tóraǵasy İlıas Ospanovtyń aıtýynsha, búginde el Úkimeti retteletin satyp alýdyń barlyq elektrondyq alańdaryn «Satyp alýdyń biryńǵaı terezesi» portalymen ıntegrasıalaý boıynsha mindetteme qoıyp otyr.
Biryńǵaı júıege «Jer qoınaýyn paıdalaný jónindegi operasıalardy júrgizý kezinde paıdalanylatyn taýarlardyń, jumystar men kórsetiletin qyzmetterdiń jáne olardy óndirýshilerdiń tizilimi» memlekettik aqparattyq júıesi de engizilmek. Atalǵan júıede jer qoınaýyn paıdalanýshylardyń satyp alýy júzege asyrylady. Osyǵan oraı jaqynda taýarlar, jumystar men kórsetiletin qyzmetter anyqtamalyǵy óniminiń statısıkalyq jiktemesi taýarlardyń, jumystar men kórsetiletin qyzmetterdiń biryńǵaı nomenklatýralyq anyqtamalyǵyna kóshirilmek.
IIDM men Energetıka mınıstrlikteri arasyndaǵy erejelerge birqatar túzetýler engizilýine sáıkes, TJQ BNA kodtaryn jasaý jónindegi jumystar 2022 jyldyń 1 shildesinen bastap kúshine enbek. Alaıda is júzinde kóptegen jer qoınaýyn paıdalanýshy kompanıalar bul taraptaǵy jumystar 2020 jyldan bastalǵanyna qaramastan biryńǵaı anyqtamalyq júıesine kóshýge asyqpaı otyr.
«TJQ BNA quqyq ıelenýshisi – «Samuryq-Qazyna Kontrakt» JSHS. Qazirgi tańda barlyq jer qoınaýyn paıdalanýshylar kelisimshart jasasý jónindegi sharalardy jáne de TJQ BNA qajetti jáne qoldanysta joq kodtaryn jasaý jónindegi jumysty jedeldetýi qajet. Osyǵan sáıkes biz birneshe ret «Reestr» memlekettik aqparattyq júıesinde tıisti habarlama bergen bolatynbyz», – dep atap ótti İlıas Ospanov.
Indýstrıalyq damý komıteti tóraǵasynyń aqparatyna súıener bolsaq, búginde kóptegen iri kompanıalar atalǵan baǵyt boıynsha jumystardy bastap ketken. Máselen, 2022 jylǵy 31 mamyryna deıin «Samuryq-Qazyna Kontrakt» JSHS 94 jer qoınaýyn paıdalanýshy uıymmen kelisimshart jasasty. Sondaı-aq TJQ BNA AJ-de 113 paıdalanýshy tirkelip, olar jańa kodty jasaýǵa 11 929 ótinish jibergen.
Sonymen qatar onlaın rejımdegi basqosý barysynda QazIndustry tarapynan «Jer qoınaýyn paıdalaný jónindegi operasıalardy júrgizý kezinde paıdalanylatyn taýarlardyń, jumystar men kórsetiletin qyzmetterdiń jáne olardy óndirýshilerdiń tizilimi» memlekettik aqparattyq júıesine modernızasıa júrgizilgendigi belgili boldy.
Atap aıtqanda, atalǵan júıeniń IP-mekenjaıy ózgertilip, málimetterdi BNA AJ-ǵa jikteý jumystary oryndalǵan. Qazirgi tańda jańa júıeni iske qosýǵa daıyndyq júrgizilýde.
Bıylǵy jyldyń maýsym aıynyń aıaǵyna qaraı «Reestr» memlekettik aqparattyq júıesi resmı túrde iske qosylyp, paıdalanýshylar jańartylǵan júıege tirkele alady.