El azamattarynyń qazaq ultyna jatatyndyǵyn aıqyndaý jónindegi qaǵıdalar ázirlenedi.
Qujat 10 maýsymǵa deıin ashyq talqylaýǵa usynylǵan, dep habarlaıdy Almaty-akshamy.kz
Eńbek jáne halyqty áleýmettik qorǵaý mınıstrligi QR Úkimetiniń 2017 jylǵy 18 aqpandaǵy "Qazaqstan Respýblıkasy Eńbek jáne halyqty áleýmettik qorǵaý mınıstrliginiń keıbir máseleleri" qaýlysyna tolyqtyrý daıyndady.
Atap aıtqanda, erejege kelesi jańa fýnksıa qosyldy:
jeke basyn kýálandyratyn qujattarda, sondaı-aq basqa da qujattarda úmitkerlerdiń ultyn rastaıtyn tıisti jazba bolmaǵan jaǵdaıda, qandas mártebesin jáne jeńildetilgen tártippen (tirkeý tártibimen) Qazaqstan Respýblıkasynyń azamattyǵyn alýǵa úmitker adamdardyń ulty qazaq ekenin aıqyndaý qaǵıdalaryn ázirleý jáne bekitý;
Aıta keteıik, 2024 jylǵy 1 mamyrdaǵy jaǵdaı boıynsha 5 926 etnıkalyq qazaq tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mln 134,3 myń etnıkalyq qazaq oraldy.