Qazaqstandyq boksshy Sanjar Táshkenbaı Bangkokta ótip jatqan 2023 jylǵy 22 jasqa deıingi sportshylar arasyndaǵy Azıa chempıonatynda qorytyndy jekpe-jegin ótkizdi.
48 kelige deıingi salmaq dárejesinde «altyn» úshin bolǵan aıqasta Sanjar Táshkenbaı Ózbekstan ókili Shodıerjon Melıkýzıevpen qolǵap túıistirdi. Tóreshilerdiń sheshimi boıynsha, Qazaqstan boksshysy jeńiske jetti, dep habarlaıdy Almaty-akshamy.kz.
Ol 2023 jylǵy 22 jasqa deıin sportshylar arasyndaǵy Azıa chempıonatynyń altyn medalin jeńip alsa, Shodıerjon Melıkýzıev kúmisti qanaǵat tutty.
Sanjar Táshkenbaı eresekter arasynda 2022 jylǵy Azıa chempıony jáne 2021 jyly jastar arasynda álem chempıony atanǵan.
Búgin Qazaqstannyń taǵy bes boksshysy fınalda óner kórsetedi, olar: Nursultan Altynbek (54 kg), Mahmud Sabyrhan (57 kg), Abzal Serik (67 kg), Sabyrjan Aqqalyqov (71 kg) jáne Dıas Moljigitov (75 kg).
Buǵan deıin, qazaqstandyq boksshy Dıas Moljigitov Qytaı ókili Aılıkýtı Kahaerdi jeńip, 2023 jylǵy 22 jasqa deıingi sportshylar arasyndaǵy Azıa chempıonatynyń fınalyna shyqqany habarlanǵan bolatyn. Sondaı-aq Ózbekstan ókili Azıza Zokırovadan basym túsken Jasmın Qızatova týrnırdegi alǵashqy «altyndy» jeńip aldy. Ekinshi «altyndy» Gúlsaıa Erjan ıelendi. Bokstan Qazaqstannyń áıelder quramasy bul chempıonatta jalpy sany 9 medaldy qorjynǵa saldy.