Bizdiń bylǵary qolǵap sheberleriniń jańa belesi aıshyqtaldy
Halyqaralyq boks federasıasynyń (IBF) jańartylǵan reıtıńi jarıalandy, dep habarlaıdy Almaty-akshamy.kz Rrosports.kz-ke silteme jasap.
Nazarlaryńyzǵa qazaqstandyq boksshylardyń pozısıalaryn usynamyz:
Ekinshi orta salmaq boıynsha Aıdos Erbosynuly tórtinshi orynda qaldy, ol reseılik Evgenıı Shvedenkodan bir jol tómen ornalasqan. Reıtıńiniń alǵashqy eki pozısıasy bos. IBF álem chempıony – AQSH boksshysy Kaleb Plant.⠀
Orta salmaqtaǵy qazaqstandyqtardyń reıtıńi ózgermedi: Jánibek Álimhanuly – toǵyzynshy, Meıirim Nursultanov – onynshy, al Qanat Islam 13-orynda qaldy. Álem chempıony tıtýly Gennadıı Golovkınge tıesili, munda da aldyńǵy eki pozısıa – bos, al úshinshi orynda – Patrık Voısıskı.
Jartylaı orta salmaqta Danıar Eleýsinov burynǵysha 14-orynda qaldy. Úzdik úshtik kelesideı: Kýdratıllo Abdýkahorov (Ózbekstan), Shon Porter men Djaron Ennıs (ekeýi de – AQSH).
Birinshi jartylaı orta salmaqta Batyr Júkembaev ta óziniń pozısıasyn ózgertpedi – burynǵysha 13-orynda tur.
Atalaǵan reıtıńide argentınalyq Ieremıas Ponse kósh bastaǵan. Odan keıin pýerto-rıkolyq boksshy Sabrıel Matıas pen aýstralıalyq Lıam Paro ornalasqan. Osy salmaqtaǵy IBF álem chempıony beldigin brıtandyq Djosh Teılor ıelengen.