TaiSan startaby úlken jetistikke jetti!
Sanjar Taıjannyń startaby TaiSan álemdik deńgeıde tanylyp, Jaguar Land Rover uıymdastyrǵan «Sustainability Innovation Challenge 2024» baıqaýynda 248 úmitkerdiń ishinen 4-oryndy ıelendi, dep habarlaıdy aqshamnews.kz
Bul baıqaýdyń maqsaty – avtokólik ındýstrıasyndaǵy ekologıalyq turaqtylyqty qamtamasyz etýge baǵyttalǵan ınovasıalyq Proof-of-Concept jobalaryn qoldaý.
Jaguar Land Rover osy baıqaý jeńimpazdarymen seriktese otyryp, bolashaqta birlesken jobalardy júzege asyratynyn málimdedi.
Sanjar men onyń komandasy osy nátıjege jetý úshin kóp eńbek etip, óz startapynyń áleýetin dáleldeı aldy. 
TaiSan jobasy arqyly Qazaqstan jastarynyń jahandyq arenada laıyqty oryn alatynyn taǵy bir ret kórsetti.
"Tamasha jańalyq! Bizdiń TaiSan startapymyz Jaguar Land Rover 2024 Turaqty ınovasıalar baıqaýynda 248 qatysýshynyń ishinen 4-orynǵa ıe boldy! Bul baıqaý avtokólik kompanıasymen Proof-of-Concept jobalaryn qurýǵa baǵyttalǵan, jáne biz osyndaı bedeldi alańda ózimizdiń turaqty ınovasıalyq ıdeıamyzdy usynǵanymyzǵa qýanyshtymyz", dep jazdy joba avtory FB paraqshasyna.