«Ulttyq mura» jobasy aıasynda Astana qalasyndaǵy QR Ulttyq arhıvinde qazaq halqynyń zergerlik óneri men onyń mádenı muramen baılanysyna arnalǵan «Áıelge ásemdik jarasady» atty kórme uıymdastyryldy.
Kórmege ulttyq qoldanbaly óner men sán áleminiń jańa tolqyny úılesim tapqan qundy jádigerler, arhıvtik qujattar, ǵylymı zertteýler qoıyldy, dep habarlaıdy aqshamnews.kz Mádenıet jáne aqparat mınıstrligine silteme jasap.
Kórmeniń eń qundy jádigerleriniń biri – XIX ǵasyrdyń basynda jasalǵan kúmis beldik pen Reseı arhıvinen tabylǵan sol beldikti taǵyp túsken áıel adamnyń sýreti. Sonymen qatar, qazaq zertteýshileriniń, sonyń ishinde Aqseleý Seıdimbektiń ulttyq kıimder, áshekeı buıymdar men asyl tastar týraly qoljazba zertteý eńbekteri kórermen nazaryna usynyldy.
«Arhıv-2025» memlekettik baǵdarlamasy aıasynda Almaty qalasyndaǵy QR Ortalyq memlekettik kıno-fotoqujattar men dybys jazbalary arhıvinde «Qazaq dala mádenıetindegi áıelderdiń mártebesi» atty dóńgelek ústel ótti.
İs-sharaǵa tarıhshy ǵalymdar, etnograftar, fılologtar, ádebıettanýshylar, kınematografıster, sýretshiler jáne mýzeı qyzmetkerleri qatysty.
Dóńgelek ústel qatysýshylaryna XIX-XX ǵasyrlardaǵy qazaq áıelderiniń ómirin beıneleıtin arhıvtik foto jáne beınematerıaldar kórmesi usynyldy. Eksponattar qatarynda Máskeý, Sankt-Peterbýrg jáne Gambýrg etnografıalyq mýzeıiniń arhıvterinen alynǵan biregeı qujattar bar.