İlıas Esenberlınniń barlyq shyǵarmalary engen jınaq jaryqqa shyqty
El Táýelsizdiginiń 30 jyldyǵyna oraı kórnekti jazýshy, ekinshi dúnıejúzilik soǵystyń ardageri, qazaq ádebıeti tarıhynda búginge deıin eń kóp roman (17) jazǵan jazýshy İlıas Esenberlınniń 6 tomdyq shyǵarmalar jınaǵy jaryq kórdi, dep habarlaıdy Almaty-akshamy.kz 24.kz-ke silteme jasap.
Jınaqqa jazýshynyń barlyq shyǵarmasy kirdi. Endi kez kelgen oqyrman «Kóshpendiler», «Altyn Orda» syndy tarıhı epopeıamen qatar keńes úkimeti kezinde jaryq kórgen eńbekterdi qazaq jáne orys tilinde oqı alady.
Memleket basshysy Qasym-Jomart Toqaev oqyrmandarǵa arnaǵan úndeýinde İlıas Esenberlınniń eńbekterin tereń zertteýsiz qazaq tarıhyn bilý múmkin emes ekenin atap ótti.
İlıas Esenberlınniń kóptomdyǵyn basyp shyǵarý – oqyrman qaýym úshin mańyzdy mádenı oqıǵa. Jazýshynyń shyǵarmalary elimizde ǵana emes, alys-jaqyn shet memleketterde de keńinen tanylǵan. Búginge deıin İlıas Esenberlın kitaptary 7 mıllıon tırajben 30-dan astam tilge aýdaryldy. Bul bizdiń elimizdegi jazýshylardyń eńbekteri arasyndaǵy eń kóp taralym.
Jınaq jaıly tolyǵyraq www.esenberlin.kz saıtynan bilýge bolady.