Jambyl oblysy ákimdiginiń habarlaýynsha, tótenshe jaǵdaı kezinde Jambyl oblysynyń avtojoldarynda qar qursaýynda qalǵan 5000-ǵa jýyq adam qutqaryldy.
Qutqarý sharalaryna jergilikti atqarýshy organdar, Tótenshe jaǵdaılar mınıstrligi, polısıa departamentiniń kúshteri, Qorǵanys mınıstrliginiń áskerıleri men jol qyzmetkerleri qatysty, dep habarlaıdy almaty-akshamy.kz.
Adam shyǵynyna qatysty aqparat tirkelgen joq.
"Qurmetti turǵyndar, sizderden tek resmı aqparattarǵa senýlerińizdi suraımyz! Áleýemettik jelilerde (belgili paraqshalarda) taralyp jatqan Jambyl oblysynda tabıǵı sıpattaǵy tótenshe jaǵdaı kezinde qaza tapqandardyń tizimi týraly aqparat shyndyqqa janaspaıdy", delingen habarlamada.
Sondaı-aq oblystyq ákimdik QR Qylmystyq Kodeksiniń 274-baby boıynsha kórineý jalǵan aqparat taratqany úshin jaza qarastyrylǵanyn eske salady