Qaraǵandy oblysyndaǵy Kostenko atyndaǵy shahtada qaza tapqan kenshilerdiń sońǵysynyń denesi 30 qazan kúni tańerteń tabyldy, dep habarlaıdy almaty-akshamy.kz zakon.kz cilteme jasap.
Qaraǵandylyq jýrnalıs Aınur Balakeshova marqum kenshi Sergeı Kıselevtiń týystaryna silteme jasap habarlaǵandaı, onyń denesi 30 qazan kúni tańerteń tabyldy. Sergeı Kıselev Kostenko atyndaǵy shahtadaǵy apattan qaza tapqan kenshilerdiń sońǵysy boldy.
"Sońǵy bolyp bizdiń ákemiz tabyldy, ol 35 jyldan astam shahter bolyp jumys istedi", - deıdi Sergeı Kıselevtiń balalary.
Máıiti tabylmaǵan sońǵy kenshini izdeý túni boıy jalǵasty. Tótenshe jaǵdaılar mınıstrligi men Qaraǵandy oblysy ákimdiginiń baspasóz qyzmetteri qaza tapqan kenshilerdiń sońǵysy tabyldy degen aqparatty ázirge resmı rastaǵan joq.
Oqıǵa ornynda arnaıy komısıa jumys istep jatyr.