Jyl basynan beri Dýbaıda 50-den astam qazaqstandyq kompanıa resmı tirkelgen. Búginde olar kásibin dóńgeletip otyr.
Jalpy otandyq taýar men qyzmet túrlerin Ámirlikter arqyly 2 mlrd tutynýshyǵa jetkizýge múmkindik bar. Osylaısha Afrıka, Taıaý Shyǵys, tipti Ońtústik Azıa elderin de qamtýǵa bolady. Bul týraly Dýbaıda turatyn otandastarymyzdyń alǵashqy quryltaıynda aıtyldy, dep habarlaıdy Almaty-akshamy.kz 24.kz-ke silteme jasap.
Sońǵy 6 jylda Dýbaıda tirkelgen qazaqstandyq kompanıalardyń sany 351-den 637-ge jetti. Iaǵnı bıyl jańadan 54 kompanıa ashylǵan. Otandyq kásipkerler ulttyq taýarlarymyzdy arab naryǵyna saýdalap otyr.
Qazaqstannan saýmaldy ákelip, qurǵatylǵan saýmaldy osy Arab elderinde satamyz, arabtarǵa óte jaqsy unaıdy. Óıtkeni ózderiniń de jylqylary bar jáne olar túsinedi ne ekenin. Biraq olardyń «psıhologıcheskıı barer» degen bar, mynaý jylqy sútin eshqashan kórmegen, ıisin, dámin tatpaǵan. Biraq eptep sony engizip jatyrmyz», - deıdi kásipker Ǵalymjan Meırambekov.
Jıynǵa arab kásipkerleri de kelip, qazaqtardyń qýanyshyna ortaqtasty. Olar tól ónerimizdi tamashalap, ulttyq oıyndarǵa belsene qatysty.
Beıresmı aqparatqa saı, qazir Dýbaıda 10 myńnan asa qazaqstandyq ómir súredi. Budan basqa, osynda elimizden demalý úshin kúnde qanshama týrıs kelip jatyr. Aptasyna 60-tan astam áýe reısi qatynaıdy.