Budan buryn Almatynyń bas sanıtarynyń karantındik jańa erejelerge baılanysty qaýlysy shyqqanyn habarlaǵanbyz.
Bir táýlik ishinde jańa karantın shekteýlerine baılanysty Ashyq jobasynyń jańa qatysýshylarynyń sany eki esege artyp, 46 myń qoldanýshyǵa jetti, dep habarlaıdy Almaty-akshamy.kz «Atameken» UKP baspasóz qyzmetine silteme jasap.
2021 jylǵy 28 shildedegi málimet boıynsha, jobada 23 myń kásipker jumys istedi. Sol kúni 3 754 ótinim óńdeldi. 2021 jyldyń 29 shildesinde 22 138 kásipker QR – kod aldy. 30 shildege qaraǵan túnde qosymsha 584 ótinim óńdeldi.
Ótinim berý jáne QR alý tártibin ózgertýdiń arqasynda kásipker úshin jobaǵa kirý aıtarlyqtaı jyldam bolyp otyr. Bıznestiń 100-ge jýyq salasy: saýda oıyn-saýyq ortalyqtary, bazarlar, qoǵamdyq kólik, sanatorııler, qonaqúıler, meıramhanalar, bilim berý uıymdary jumys isteýge múmkindik aldy.
Ashyq jobasyn paıdalanýshylar sany 4 mıllıonnan asty. Shilde aıynyń basynan bastap jobaǵa erikti retinde (jeńildiksiz) iri saýda oıyn-saýyq ortalyqtary men jabyq bazarlar kirdi. Osylaısha 654 iri saýda oıyn-saýyq ortalyǵy men jabyq bazardyń kirip, saýda sýbektilerin qamtý 200 myńnan astam adamǵa kóbeıdi.
Ashyq vırýs juqtyrǵan jáne baılanysta bolǵan adamdardy jıi anyqtaı bastady ( 5 shildede 167 «qyzyl» statýs bolsa, 16 shilde bul kórsetkish 461-ge jetti). Joba bastalǵannan beri karantın talabyn buzǵan 26 myńnan astam adam anyqtaldy (15,4 myńnan astam «qyzyl» jáne 10,7 myńnan astam «sary»). Aýrýdyń aldyn alý jaǵdaılarynyń sany 55 myńnan asady.