Stasıonar 150 naýqasqa arnalǵan, bul rette medısınalyq mekemede somatıkalyq patologıasy bar áskerı qyzmetshilerdi, sondaı-aq áskerı-dárigerlik jáne dárigerlik-ushqyshtar saraptamasyn júrgizý úshin 100 oryn saqtalady.
Qazaqstan Respýblıkasy Qorǵanys mınıstrligi baspasóz qyzmetiniń málimdeýinshe, koronavırýstyq ınfeksıamen aýrýdyń ulǵaıýyna baılanysty Almaty qalasyndaǵy Qorǵanys mınıstrliginiń Áskerı klınıkalyq gospıtali ınfeksıalyq stasıonar retinde óristetildi, dep habarlaıdy Almaty-akshamy.kz
Qalyptasqan jaǵdaıda áskerı dárigerler azamattardy gospıtálǵa jatqyzý jáne bilikti medısınalyq kómek kórsetý úshin qolda bar resýrstardy jumyldyrdy.
«Bizdiń áskerı gospıtál ekinshi eshelonǵa jatady. Sondyqtan ınfeksıalyq stasıonarǵa ortasha aýyr jáne aýyr naýqastar jatqyzylatyn bolady. Jeke quram bul jaǵdaıǵa daıyn. Bizdiń medısınalyq personaldyń koronavırýstyq ınfeksıamen aýyratyn naýqastardy emdeý isinde tájirıbesi bar. Ol úshin bizde ÓJJ jáne gemodıalız apparattarymen jabdyqtalǵan reanımasıa bólimshesi, sondaı-aq qajetti dári-dármek bar», – dep túsindirdi Almaty qalasyndaǵy áskerı klınıkalyq gospıtál bastyǵynyń mindetin ýaqytsha atqarýshy, medısına qyzmetiniń podpolkovnıgi Abdývalı Paltýshev.
2020 jylǵy sáýirden bastap azamattyq turǵyndarǵa kómek kórsetý úshin áskerı gospıtál dárigerleri eki ret tartylǵanyn esterińizge sala keteıik. Nátıjesinde 1 430 adam, onyń shamamen 30 %-i aýyr jáne asqynǵan deńgeıdegi pasıent emdelip shyqty.