Almaty sán jáne qyzmet kórsetý salasy kolejinde qaladaǵy balalar kolonıasynyń qyzmetkerleri «Jasóspirimderdiń qylmystyq jaýapkershiligi» degen taqyrypta kezdesý ótkizdi, dep habarlaıdy aqshamnews.kz
Oǵan Almaty qalasy Qylmystyq-atqarý júıesi departamentine qarasty №11 mekemeniń qyzmetkerleri – rejım jáne kúzet bóliminiń bastyǵy ádilet maıory Azamat Qanafın Azamat, mekeme bastyǵynyń kezekshi kómekshisi ádilet maıory Anar Mustafaev, rejım jáne kúzet bóliminiń baqylaýshysy ádilet serjanty Moldabek Azamat qatysty. Kezdesý barysynda túzeý mekemesiniń qyzmetkerleri jetkinshekterge elimizdegi zańdar týraly, olardyń artyqshylyqtary, quqyqtyq jaýapkershilik jaıynda áńgime órbitti. Quqyq salasynyń mamandary stýdentter qoıǵan suraqtarǵa jaýap berdi.
Kezdesýdiń maqsaty – jastardyń quqyqtyq bilimin teksere otyryp, olarǵa zań aldyndaǵy jaýapkershiligin túsindirý, saýatyn arttyrý, qylmystyq jaýapkershilik týraly túsinik berý.
– Bizdiń túzeý mekemesinde bas bostandyǵynan aıyrylǵan jasóspirimder jazasyn ótep jatyr. Kópshiliginiń quqyqtyq saýaty tómen. Ondaı balalar jamandyqqa tez urynyp qalady. Biz óskeleń urpaqtyń Ata zańymyzdy, ózge de quqyqtyq-normatıvtik aktilerdi buljytpaı oryndap, qurmetteı bilgenin qalaımyz. «Tártipke baǵynǵan qul bolmaıdy». Biz jasóspirimderdiń qaýipsiz ortany ózderi de qalyptastyra alatynyn túsindirgimiz keledi, – deıdi №11 mekeme bastyǵynyń kezekshi kómekshisi ádilet maıory Anar Mustafaev.