Qazaqstan Konstıtýsıasynyń 30 jyldyǵyna oraı raqymshylyq týraly zań jobasy qaralýda
Parlament Májilisiniń jalpy otyrysynda «Qazaqstan Respýblıkasynyń Konstıtýsıasyna 30 jyl tolýyna baılanysty raqymshylyq jasaý týraly» zań jobasy qaralýda. Qujatty Parlamenttiń bir top depýtaty ázirlegen.
Zań jobasy – qatelik jasaǵan, biraq óz isine ókinip, túzelý jolyna túsken azamattarǵa memleket tarapynan jasalatyn izgilik aktisi retinde usynylyp otyr.
Joba aıasynda:
• Qylmystyq teris qylyqtar men onsha aýyr emes qylmystar jasaǵan adamdardy;
• Zalal keltirmegen nemese ony tolyq ótegen ortasha aýyrlyqtaǵy qylmystar úshin sottalǵandardy;
• Áleýmettik osal toptarǵa jatatyn, ortasha aýyrlyqtaǵy qylmys jasaǵan azamattardy bosatý kózdelgen.
Sondaı-aq, onsha aýyr emes jáne ortasha aýyrlyqtaǵy qylmystar boıynsha qozǵalǵan, biraq sotta qaralmaǵan isterdi toqtatý qarastyrylyp otyr.
Budan bólek, aýyr jáne asa aýyr qylmystar jasaǵandarǵa qatysty jaza merzimin qysqartý múmkindigi usynylady. Senip tapsyrylǵan múlikti ıemdengeni nemese talan-tarajǵa salǵany, alaıaqtyq jasaǵany úshin sottalǵan tulǵalar zalaldy tolyq ótegen jaǵdaıda jaza merziminiń besten bir bóligi qysqartylýy múmkin.
Sonymen qatar, densaýlyqqa qasaqana zıan keltirý, memlekettik qupıalardy jarıalaý, sybaılas jemqorlyq sıaqty keıbir qylmystarǵa raqymshylyq qoldanýǵa shekteý engizý usynyldy.