Gonsalý Ramýsh birinshilik mergenderiniń qataryna qosyldy
Qatarda ótip jatqan fýtboldan álem chempıonatynda Shveısarıany oısyrata utqan Portýgalıa shırek fınalǵa joldama aldy, dep habarlaıdy Almaty-akshamy.kz QazAqparatqa silteme jasap.
Portýgalıa bapkeri Fernandý Santýsh bul oıynǵa qurama kapıtany Krıshtıaný Ronaldýdyń ornyna «Benfıka» klýbynyń shabýylshysy, 21 jastaǵy Gonsalý Ramýshty shyǵardy.
Bul 68 jastaǵy tájirıbeli jattyqtyrýshynyń kóregendigi deýge bolady.
Birinshi taımda 17-mınýtta Joaý Felıksten pas alǵan Gonsalý Ramýsh jaqyn toǵyzdyqty dál kózdedi.
Komanda kapıtany Pepe 33-mınýtta buryshtamadan Brýný Fernandesh áýelete asyrǵan dopty baspen torǵa top etkizdi – 2:0.
Ekinshi kezeńde 51-mınýtta G.Ramýsh taǵy da mergendigimen kózge tústi. Arada 4 mınýt ótkende Rafael Gereırý óz múmkindigin múlt jibergen joq – 4:0.
58-mınýtta buryshtamadan berilgen doptan keıin shveısarıalyq Manýel Akandjı esepti qysqartty.
Alaıda 67-mınýtta mach barysynda shabýyldy tamasha uıymdastyrǵan J.Felıksten pas alǵan G.Ramýsh esepti 5:1-ge jetkizdi. Bul - osy chempıonattaǵy alǵashqy het-trık edi.
Gonsalý Ramýsh birinshilik mergenderiniń qataryna qosyldy. Onyń aldynda 5 gol soqqan Fransıa shabýylshysy Kılıan Mbappe ǵana bar.
Alańǵa tyńnan qosylǵan Rafael Leaý machtyń ádemi núktesin qoıdy – 6:1.
Osylaısha, Shveısarıany 6:1 esebimen oısyrata utqan Portýgalıa 10 jeltoqsanda Marokko quramasymen jartylaı fınalǵa shyǵý úshin talasady.
Sóıtip, dúnıejúzilik dodada shırek fınalǵa shyqqan barlyq segiz komanda anyqtaldy.