Brıgada qyzmetkerleri sábıdiń dúnıege kelýine kómektesken.
5 jeltoqsanda «Astana-Jezqazǵan» baǵytyndaǵy №66 jolaýshylar poıyzynyń brıgada qyzmetkerleri júkti kelinshekti poıyzda bosandyryp aldy. Bul týraly «Qazaqstan temir joly» AQ baspasóz qyzmetinen málimdedi, dep habarlaıdy Almaty-akshamy.kz.
5 jeltoqsan saǵat 11:17-de «Astana-Jezqazǵan» baǵytyndaǵy №66 jolaýshylar poıyzynyń brıgada qyzmetkerleri sábıdiń dúnıege kelýine kómektesken.
Jubaıymen birge Qaraǵandydan Jezqazǵanǵa bara jatqan júkti jolaýshynyń tolǵaǵy bastaldy.
Vagonda bosanǵan áıelge kómek kórsetý úshin barlyq qajetti jaǵdaı jasalǵan.
Poıyz bastyǵy, nusqaýlyqqa sáıkes, poıyz júrgizýshisine habarlap, jaqyn mańdaǵy stansıaǵa "jedel járdem" shaqyrdy.
«Jezqazǵan stansıasyna kelgen soń, jolserikter anasyn qyzymen birge "jedel járdem" qyzmetkerlerine tapsyrdy. Jas ata-ana jańa týǵan náresteniń esimin Araı dep qoıdy», - delingen kompanıa habarlamasynda.