Ushaq bortyndaǵy 6 ekıpaj múshesi men 22 jolaýshynyń barlyǵy mert bolǵan.
QR Memleket basshysy Qasym-Jomart Toqaev Reseı Federasıasynyń Prezıdenti Vladımır Pýtınge kóńil aıtyp, jedelhat joldady, dep habarlaıdy Almaty-akshamy.kz Aqordanyń baspasóz qyzmetine silteme jasap.
Reseıdiń Kamchatka ólkesinde An-26 ushaǵynyń apatqa ushyraýy saldarynan jolaýshylar men ekıpaj músheleriniń qaza bolýyna baılanysty qaıǵyly habardy Memleket basshysy Qasym-Jomart Toqaev tereń kúızelispen qabyldady.
«Qazaqstan halqynyń jáne jeke ózimniń atymnan orny tolmas qaıǵyǵa ortaqtasa otyryp, qaza bolǵandardyń jaqyndary men týystaryna kóńil aıtamyn», – delingen Prezıdenttiń jedelhatynda.
Resmı málimetke sáıkes, jolaýshylar ushaǵy Petropavlovsk-Kamchatskıı qalasynan Palana kentine adam tasymaldaǵan. Osy joly týra jerge qonardyń aldynda baılanysqa shyqpaı qaldy.
Aldyn ala jasalǵan boljam boıynsha, áýe kemesi teńizge qulaǵan. Sebebi Palana kentine deıin 9 shaqyrymdaı qalǵanda baılanys úzilip ketti. Bortta ekıpajdyń 6 múshesi jáne 22 jolaýshy, olardyń arasynda 6 jáne 17 jastaǵy balalar da bolǵan.