Bul nysan óskeleń urpaqty sportqa baýlýǵa úlken serpin beredi.
Astana kúnine oraı Táýelsizdiktiń 30 jyldyǵy aıasynda Taldyqorǵan qalasynda Orta Azıada teńdesi joq júzý baseıni iske qosyldy, dep habarlaıdy Almaty-akshamy.kz.
«570 oryndyq eki qabatty baseın ǵımaratynyń syrtqy keıpi teńizde júzip júrgen alyp balyqty elestetedi. Munda jas sportshylar sý doby, sýǵa sekirý, akvaaerobıka sıaqty júzýdyń barlyq túrinen jattyǵa alady. Bolashaqta ǵımarattyń halyqaralyq jarystar ótkizýge de múmkindigi bar»,– delingen Almaty oblysy ákiminiń baspasóz-qyzmetiniń habarlamasynda.
Jalpy, osy zamanaýı júzý baseıni 3,8 ga jerdi alyp jatyr. Bul ǵımarattyń jalpy aýdany 13 myń sharshy metrden asady. 570 orynǵa arnalǵan júzý baseıniniń qurylysyna 11,4 mlrd teńgeden astam qarajat jumsalǵan. Ǵımarattyń syrtqy keıpi teńizde júzip júrgen alyp balyqty elestetedi.
Munda 3 baseın bar, sonyń ishinde eń úlkeniniń uzyndyǵy – 52 metr, eni 25 metr. Bul ǵımaratta nıet bildirgender sý doby, sýǵa sekirý, akvaaerobıka sıaqty júzýdyń barlyq túrinen jattyǵa alady. Baseın jyl boıy túrli deńgeıdegi sporttyq jarystar ótkizýge, sol sıaqty azamattardy salamatty ómir saltyna beıimdeýge, balalardy júzýge úıretýge arnalǵan. Múmkindigi shekteýli jandarǵa da barlyq jaǵdaı jasalǵan. Aldaǵy ýaqytta trıatlon, baıdarkada esý, kanoe jáne basqa da bólimder ashý josparda bar. Baseın arqyly Taldyqorǵannyń bolashaqta sý sportynyń ortalyǵy bolýyna múmkindigi bar.
Jalpyǵ oblysta 3 myńnan asa sport nysandary men 43 sport mektebi bar, onda 42 myńǵa jýyq bala sportpen shuǵyldanady. Oblys boıynsha 667 myńnan astam adam nemese jalpy halyq sanynyń 32% dene shynyqtyrý jáne sportpen júıeli túrde aınalysady.
