QR Prezıdenti Qasym-Jomart Toqaev Parlament Májilisiniń otyrysynda kásipkerlikti retteıtin jańa zań bızneske túsken búrokratıalyq salmaqty aıtarlyqtaı azaıtatynyn atady, dep habarlaıdy almaty-akshamy.kz QazAqparat tilshisine silteme jasap.
«Bul júıeniń ózeginde qoǵam aldyndaǵy jaýapkershiligi sezine biletin kásipkerlerimizdiń aýqymdy toby turatyny anyq. Iaǵnı, bul - óziniń balalarynyń taǵdyryn Qazaqstanmen ǵana baılanystyratyn kásipkerler. Dál osyndaı kásipkerler el bolashaǵy úshin ózine jaýapkershilik alýǵa daıyn», - dedi Qasym-Jomart Toqaev.
Prezıdent kásipkerlikti damytý úshin júıeli jumys atqarý óte mańyzdy ekenin de aıtty.
«Men bızneske túsken búrokratıalyq salmaqty aıtarlyqtaı azaıtyp, onyń ósip-órkendeýine jol ashatyn zańǵa qol qoıdym. Úkimet osy zańdy naqty is júzinde paıdalanýy qajet», - dedi ol Májilis otyrysynda.