Prezıdent Qasym-Jomart Toqaev Túrikmenstan Prezıdenti Gýrbangýly Berdimuhamedovpen telefon arqyly sóılesti, dep habarlaıdy Almaty-akshamy.kz Aqordanyń baspasóz qyzmetine silteme jasap.
Memleketter basshylary ekijaqty qarym-qatynastardy odan ári nyǵaıtýdyń perspektıvalaryn, onyń ishinde Qazaqstan Prezıdentiniń byltyrǵy qazan aıynda Ashhabadqa jasaǵan memlekettik saparynyń qorytyndysy boıynsha qol jetkizilgen ýaǵdalastyqtardyń iske asyrylý barysyn talqylady.
Prezıdentter ózara saýda-sattyq kóleminiń artqanyna, energetıka, kólik, ónerkásip jáne aýyl sharýashylyǵy salalaryndaǵy yntymaqtastyqtyń jandanǵanyna kóńilderi tolatynyn aıtty. Áńgimelesý barysynda memleketter basshylary baýyrlas eki el arasyndaǵy saýda-ekonomıkalyq, ınvestısıalyq jáne mádenı-gýmanıtarlyq baılanystardy odan ári keńeıtýge nıetti ekenderin atap ótti.
Qasym-Jomart Toqaev Túrikmenstan Prezıdentine shynaıy qurmetin bildire otyryp, Gýrbangýly Berdimuhamedovtiń kezekten tys prezıdent saılaýyn ótkizý jónindegi sheshimin qoldaıtynyn málimdedi. Qasym-Jomart Toqaevtyń aıtýynsha, Túrikmenstan basshysynyń saıası ári ómirlik mol tájirıbesi osy memlekettiń órkendeýine septigin tıgizeri sózsiz.