Memleket basshysy Saýd Arabıasynyń birqatar kásipkerlerimen jeke kezdesý ótkizdi, dep habarlaıdy Almaty-akshamy.kz Inform.kz-ke silteme jasap.
Atap aıtqanda, Prezıdent Ajlan & Bros Holding Group holdıńtik top basqarmasynyń basshysy Adjlan ben Ábdelazız Ál-Adjlanmen jáne Acwa Power kompanıasy dırektorlar keńesiniń tóraǵasy Muhammed Ábýnaıanmen áńgimelesti Saýd Arabıasy Koróldiginiń jáne Taıaý Shyǵystaǵy iri konglomerattyń biri – Ajlan & Bros Holding Group Qazaqstanǵa ınvestısıa quıýǵa múddeli ekenin aıtty. Qazirgi ýaqytta holdıń Almaty oblysynyń aýyl sharýashylyǵy salasyndaǵy óndiris jobasyn pysyqtaýda. Muhammed Ábýnaıanmen kezdesýde balamaly energıa kózderin damytý máseleleri talqylandy. Prezıdenttiń aıtýynsha, elimiz 2030 jylǵa qaraı jańǵyrtylatyn energıa kózderiniń 30 paıyzyn óndirýdi josparlap otyr.
Sonymen qatar Qasym-Jomart Toqaev Acwa Power kompanıasyn Qazaqstanda jasyl sýtegi óndirisi salasyndaǵy birlesken jobalardy júzege asyrýǵa shaqyrdy.