Qasym-Jomart Toqaev mártebeli meımannyń Almatyǵa saparmen kelgenine rızashylyq bildirip, mundaı beıresmı kezdesýler jaqsy dástúrge aınalǵanyn aıtty, dep habarlaıdy aqshamnews.kz.
– Bul – baýyrlas, dostas memleketter arasyndaǵy yntymaqtastyqty damytý maqsatynda atqarylyp jatqan jumysty iskerlik sıpatta taǵy bir talqylaýǵa oraıly sát. Biz – odaqtas eldermiz. Eki el arasyndaǵy yqpaldastyq tutas Ortalyq Azıa óńirindegi jaǵdaıǵa tikeleı áser etedi, – dedi Qazaqstan Prezıdenti.
Memleket basshysy baýyrlas halyqtardy jaqyndastyrýǵa, aımaqtyń ornyqty jáne qaýipsiz damýyndaǵy ortaq maqsattardy ilgeriletýge Shavkat Mırzıóevtiń zor úles qosqanyn atap ótti.