Bul týraly Memleket basshysynyń baspasóz hatshysy Berik Ýálı málimdedi.
Qazaqstan Prezıdenti Qasym-Jomart Toqaev Ońtústik Koreıaǵa memlekettik saparmen barady, dep habarlaıdy Almaty-akshamy.kz
Baspasóz hatshysy jazǵandaı, 16-17 tamyzda Qazaqstan Prezıdenti Qasym-Jomart Toqaev Prezıdent Mýn Chje Inniń shaqyrýymen Koreıa Respýblıkasyna memlekettik saparmen barady.
«Sapar aıasynda joǵary deńgeıde kelissózder ótip, memleketter basshylary eki el arasyndaǵy strategıalyq áriptestikti odan ári damytýdyń perspektıvalaryn qarastyrmaq. Kezdesý qorytyndysy boıynsha birlesken málimdeme qabyldanyp, úkimetaralyq qujattarǵa qol qoıylady dep josparlanǵan. Qazaqstan Prezıdenti Seýlge sapary aıasynda Koreıanyń iri kompanıalarynyń basshylarymen, belgili saıası qaıratkerlermen kezdesýler ótkizedi. Sonymen qatar Qazaqstandaǵy ınvestısıalyq jobalardy júzege asyrý boıynsha birqatar komersıalyq kelisim-shart jasalmaq», – delingen habarlamada.