Investısıalyq jobany Qazaqstanda júzege asyrýdyń perspektıvalary talqylandy.
Memleket basshysy Qasym-Jomart Toqaev Eýropalyq qaıta qurý jáne damý bankiniń prezıdenti Odıl Reno-Bassomen beınebaılanys rejıminde kezdesý ótkizdi, dep habarlaıdy Almaty-akshamy.kz Aqordaǵa silteme jasap.
Kezdesý barysynda tranzıttik tasymal, ekonomıkany dekarbonızasıalaý, qarjy sektory salalaryndaǵy birqatar ınvestısıalyq jobany Qazaqstanda júzege asyrýdyń perspektıvalary talqylandy.
Qasym-Jomart Toqaev Eýropalyq qaıta qurý jáne damý bankimen aradaǵy tıimdi ári uzaq merzimdi yntymaqtastyqtyń oń qarqynyna kóńili tolatynyn atap ótti.
«Ózara yqpaldastyq aıasynda zor nátıjelerge qol jetkizdik. Qazaqstan Úkimeti men Eýropalyq qaıta qurý jáne damý banki arasyndaǵy tıimdi yntymaqtastyq odan ári nyǵaıa beretinine senimdimin», – dedi Memleket basshysy.
Odıl Reno-Basso Qasym-Jomart Toqaevtyń basshylyǵymen júrgizilip jatqan reformalardy, 16 naýryzdaǵy Qazaqstan halqyna Joldaýda aıtylǵan bastamalardy qoldaıtynyn jetkizdi.
Eýropalyq qaıta qurý jáne damý bankiniń basshysy Qazaqstannyń kómirtegine beıtaraptyqqa qol jetkizý jóninde málimdegen maqsattary aıasyndaǵy yntymaqtastyqty damytýǵa daıyn ekenin naqtylady.
Áńgime sońynda Qasym-Jomart Toqaev Odıl Reno-Bassony Qazaqstanǵa kezekti ret saparmen kelýge shaqyrdy.
