Olar alǵan bilimderimen óz elderinde áriptesterimen bólisetin bolady.
Almatyda Qyrǵyzstan, Tájikstan jáne Ózbekstannan kelgen áskerı-medısınalyq qyzmetkerler úshin biliktilikti arttyrý kýrsy ótip jatyr, dep habarlaıdy Almaty-akshamy.kz.
«Eýropadaǵy qaýipsizdik jáne yntymaqtastyq uıymy aıasynda iske asyrylyp jatqan sharany Jarylys qaýpi bar zattardyń táýekelin azaıtý jónindegi keshendi yntymaqtastyq baǵdarlamasyna sáıkes, Qazaqstan Respýblıkasy Qorǵanys mınıstrliginiń Qarý-jaraqty baqylaý jáne ınspeksıalaýdy qamtamasyz etý ortalyǵy uıymdastyrdy», - delingen Qorǵanys mınıstrliginiń baspasóz qyzmetiniń habarlamasynda.
Uıymdastyrýshylardyń aıtýynsha, bul sabaqtar áskerı-dalalyq medısına salasynda, onyń ishinde jarylys qaýpi bar zattardan zardap shekkenderge járdem kórsetý kezinde áskerı dárigerlerdiń kásibı deńgeıin arttyrýǵa baǵyttalǵan. Dárister men praktıkalyq sabaqtardy tájirıbeli, joǵary bilikti halyqaralyq nusqaýshylar ótkizedi.
Qatysýshylar kýrs barysynda alǵan bilimderin óz elderinde áriptesterimen bólisetin bolady.