Memleket basshysy qazaqstandyqtardy Ramazan aıynyń bastalýymen quttyqtady
Memleket basshysy Qasym-Jomart Toqaev qazaqstandyqtardy Ramazan aıynyń bastalýymen quttyqtady, dep habarlaıdy Almaty-akshamy.kz Aqordaǵa silteme jasap.
«Ardaqty aǵaıyn!
Sizderdi qasıetti Ramazan aıynyń bastalýymen shyn júrekten quttyqtaımyn!
Bul – kúlli musylman qaýymy úshin mán-mańyzy aıryqsha mezgil.
Adamzatty rýhanı tazarýǵa jáne jan-jaqty kemeldenýge bastaıtyn osy aıda tózimdilik, janashyrlyq, ımandylyq sıaqty qundylyqtar keńinen dáripteledi.
Ata-babamyz Ramazandy «on eki aıdyń sultany» dep ardaqtaǵan. Oraza ustaǵan jamaǵatqa aýyzashar berip, bir-birine erekshe qurmet kórsetken.
Salt-dástúrimizben sabaqtas asyl dinimiz ǵasyrlar boıy Uly dalada eldiń birligin jáne qoǵamnyń tynyshtyǵyn saqtaý jolynda mańyzdy ról atqaryp keledi.
Meıirimdilik aıynda halqymyz ıgi isterin eselep, saýapqa kenele bersin!
Barshańyzǵa zor densaýlyq, baq-bereke tileımin!
Oraza qabyl bolsyn!», - delingen Memleket basshysynyń quttyqtaýynda.