Ǵaryshker Dmıtrıı Petelın qazaq tilinde tilek aıtty.
Qostanaı óńirinde týyp-ósken ǵaryshker, qazir «Roskosmosta» eńbek etetin Dmıtrıı Petelın Jer mańy orbıtasynan vıdeo joldap, qazaqstandyqtardy qazaq jáne orys tilderinde quttyqtady. Vıdeo kostanaynews Telegram-kanalynda jarıalandy, dep habarlaıdy Almaty-akshamy.kz.
«Qurmetti qazaqstandyqtar, ásirese, qostanaılyqtar, jerlester! Mereke qutty bolsyn! Ózderińizdi saqtańyzdar! Men ǵaryshtan Jerge qaraýǵa múmkindik aldym jáne sizderge mynany aıtqym keledi: bir-birińizge renjimeńiz, bekerge ashýlanbańyz. Bizdiń planetamyz úlken jáne óte ádemi. Orbıtadan qaraǵanda mundaı ádemi jerde qıyndyqtar bolýy múmkin emes sıaqty. Búgin úlken jáne jaqsy mereke. Sizge baqyt tileımin. Qıyndyqtarǵa moıymańyz. Kúnniń batýy men tańnyń atýyn qýana qarsy alyńyz. Ár kúnnen lázzat alyńyz jáne mynany bilińiz – ómir tamasha! Naýryz meıramy qutty bolsyn!» - dep qazaq tilinde quttyqtaý joldady ǵaryshker.