Qasym-Jomart Toqaev Erbolat Dosaevty qabyldady. Memleket basshysyna Almaty qalasynyń ákimi atqarylǵan jumystary men josparlary jaıynda baıandady, dep habarlaıdy aqshamnews.kz
Almaty qalasy ákimi bıylǵy qańtar-aqpan aılaryndaǵy qysqa merzimdi ekonomıkalyq ındıkator 7 paıyzǵa deıin artqan, jyl qorytyndysy boıynsha óńirlik jalpy ónim 6,4 paıyzǵa ósedi dep boljanyp otyrǵany jaıynda baıandady.
Sonymen qatar, jyl sońyna deıin quny 450 mıllıard teńgeden astam qarajatqa 33 jańa ınvestısıalyq joba iske asyrylatynyn aıtty. Bıyl jalpy ınvestısıa kólemi 2,2 trıllıon teńgege jetip, ótken jylmen salystyrǵanda 10 paıyzǵa artady. Aýlalar, kóshe-jol jelileri men jasyl aımaqtardy keshendi túrde kútip, baptaý úshin úsh jyldyq kelisimshart tásili engizildi. Prezıdent buǵan deıin shahardyń ekologıalyq jaǵdaıyn jaqsartý, jyl sońyna deıin qaladaǵy qoǵamdyq kólikterdi ekologıalyq talapqa tolyq saı etý, sondaı-aq Almatynyń kólik qurylymyn qalyptastyrý boıynsha tapsyrma bergen bolatyn. Kezdesýde osy jumystardyń nátıjeleri baıandaldy.
Qasym-Jomart Toqaev Erbolat Dosaevqa ekologıa máselesine den qoıyp, ınjenerlik jáne áleýmettik ınfraqurylymdy jańǵyrtý, jyl sońyna deıin sapaly syrtqy jaryqtandyrýmen qamtamasyz etý mindetin júktedi. Sondaı-aq Almatynyń ornyqty damýyna qatysty bergen tapsyrmalaryn muqıat oryndaý qajet ekenin aıtty.