Qoǵamnan ornyn taýyp, laıyqty mamandyq ıesi bolý árbir azamattyń paryzy ekeni belgili. Búginde Prezıdentimiz de eńbek adamdaryn nasıhattap, osy baǵytta qoldaýlar kórsetýde. Sondyqtan árbir azamat ómirlik tańdaýǵa jaýapkershilikpen qaraýy mańyzdy.
Memlekettiń osy saıasatyn basshylyqqa alǵan ál-Farabı atyndaǵy Qazaq ulttyq ýnıversıteti osy baǵyttaǵy álemniń jetekshi ýnıversıtetteriniń tájirbıelerin zerttep, olardyń mańyzyn saraptaıdy. Mundaı zertteýler men kórsetkishter osy bilim shańyraǵynyń álemdik bilim berý naryǵyndaǵy joǵary básekege qabilettiliginiń aıqyn dáleli bolyp tabylady.
Búginde oqý orny otandyq jáne halyqaralyq eńbek naryqtarynda básekege qabiletti jáne suranysqa ıe mamandardy qamtamasyz etip keledi. Iaǵnı jumys berýshiler men oqý orny arasynda naqty baılanys ornaǵan. Jumys berýshiler óndiristik tájirbıelerge qatysyp, memlekettik atestattaý komısıalarynyń quramynda bolady. Bul úlken mańyzdy jańasha qadam ári ol oqý sapasyna áser etedi.
Osylaısha, jumys berýshiniń ýnıversıtettegi bilim berý prosesiniń sapasyn basqarý júıesine belsendi qatysý qajettiligi úlken mańyzǵa ıe.
Jumys berýshiniń múddeli tarap retindegi ereksheligi eki baǵytt boıynsha sıpattalady: olar JOO-nyń bilim berý qyzmetterin tutynýshylar, ekinshi jaǵynan, osy qyzmetterdiń jekelegen túrlerine tapsyrys berýshiler. Mysaly «Nur Temir Trans» JSHS kompanıasy logıstıkalyq qyzmetter naryǵynda on jyldan astam jumys isteıdi ári osy baǵyttaǵymamandardyń sapasyn arttyrýǵa múddeli. Jyl saıyn kompanıa óndiristik tájirbıeden stýdentteri ótkizip otyrady. Bul ál-Farabı atyndaǵy oqý ornymen ornaǵan yntymaqtastyqtyń nátıjesi. Bul jas mamandar úshin úlken qoldaý.
Atalmysh kólik kompanıasy álemniń kez kelgen núktesinen avtomobıl, temirjol, teńiz jáne áýe kóligimen júkterdiń barlyq túrlerin jetkizý boıynsha logıstıkalyq qyzmetterdiń tolyq keshenin, sonyń ishinde júkterdi qoımalaý, kedendik resimdeý, saqtandyrý jáne tolyq súıemeldeý qyzmetterin kórsetedi. Bul jas mamandar úshin ómirlik tájirbıe, bolashaqtanyna naqty qadam bolýda.
Ýnıversıtet kafedrasynyń profesorlyq-oqytýshylyq quramynyń jumys berýshilerimen birlesip ázirlegen, logıstıka men marketıń boıynsha baǵdarlamasy qazirgi zaman talabyna laıyqty. Kásiptik pánderdi qalyptastyrý, jumys berýshilerdiń talaptaryn eskerý, jumys berýshilerdiń múddelerin eskerý, bilim berý baǵdarlamalarynyń jańartylýy osy saladaǵy negizgi artyqshylyqtar bolyp sanalady.
Bilim berý baǵdarlamasyn júzege asyrý úshin kafedrada da «Smart Marketing and Logistics» ortalyǵy jumys isteıdi. Ortalyq oqytýshylardyń biliktiligin arttyrýǵa, jumys berýshilermen yntymaqtastyqty keńeıtýge, jetekshi joǵary oqý oryndarynyń ǵalymdarymen halyqaralyq yntymaqtastyqty kúsheıtýge, magıstranttar men doktoranttardy zertteý qyzmetine tartýǵa, ǵylymı zertteýlerdi komersıalandyrýǵa baǵyttalǵan. Jumys berýshi kompnıanyń qyzmetkerleri Jibek joly kontekstinde ekonomıkalyq beldeýdiń kóliktik-logıstıkalyq ınfraqurylymy men marketıńtik qyzmetteri máselesine arnalǵan konferensıalarǵa da qatysypǵ óz tájirbıelerin ıýólisip otyrady.
Bul jumys berýshi eńbek naryǵyn damytýda bilim berý baǵdarlamasyn ázirleý men iske asyrýdyń barlyq kezeńderine belsendi qatysyp, ǵylymı-zertteý jáne oqý-ádistemelik salaǵa da óz úlesterin qosady.
«Bıznes-tehnologıalar» kafedrasynyń dosenti m. a. Qajymuratova A., kafedrasynyń aǵa oqytýshysy-Boltaeva A., kafedrasynyń oqytýshysy-Karanova J.
«Nur Temir Trans» JSHS bas qyzmetkeri-Bıchashev