«Birligimiz – áralýandyqta» degen basty qaǵıdatymyz eshqashan ózgermeıdi. Bul týraly Qazaqstan halqy Assambleıasynyń kezekti otyz birinshi sesıasynda Prezıdent Qasym-Jomart Toqaev málim etti, dep habarlaıdy Almaty-akshamy.kz.
«Qazir geosaıası ahýal ýshyǵyp tur. Jańa syn-qaterler paıda bolýda. Mundaı jaǵdaıda elimizdiń azamattyq biregeıligin nyǵaıtyp, otanshyldyq rýhyn kóterýge basa mán berýimiz kerek. «Birligimiz – áralýandyqta» degen basty qaǵıdatymyz eshqashan ózgermeıdi. Biz jas urpaqty naǵyz otanshyl azamat etip tárbıeleýimiz kerek. Olardyń boıyna tatýlyq pen kelisim, tózimdilik, toleranttylyq pen mádenı yqpaldastyq qundylyqtaryn sińirý aıryqsha mańyzdy», - dedi Prezıdent.
Sonymen qatar, Memleket basshysy saıası jáne qoǵamdyq plúralızm radıkaldy formalarǵa baǵyt alýyna jol bermeý kerek ekenin atap ótti.
Osy oraıda Qasym-Jomat Toqaev qandaı da bir azamattardy kemsitýdi, ar-namysy men abyroıyn qorlaý jaǵdaılaryn qoǵam qabyldamaýy kerek ekenin qadap aıtty.