Bul týraly Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHİ sesıasynda Memleket basshysy Qasym-Jomart Toqaev aıtty, dep habarlaıdy Almaty-akshamy.kz
Assambleıa sesıasyn Qazaqstan halqynyń birligi kúni qarsańynda ótkizý ıgi dástúrge aınaldy. Munyń zor sımvoldyq máni bar. Birlik, tatýlyq jáne beıbitshilik – bizdiń myzǵymas qundylyqtarymyz. Onyń aıryqsha mańyzdy ekenin qańtar oqıǵalary kezinde aıqyn sezindi, – dep atap ótti Memleket basshysy.
QR Prezıdenti qazir qaterli kúnder artta qalǵanyna nazar aýdartty.
Sol kezde qandaı qaýippen betpe-bet kelgenimizdi ýaqyt ótken saıyn uǵyna túsemiz. Shyn máninde, biz memlekettiligimizdi joǵaltyp ala jazdadyq. Halqymyz qańtar qasiretinen sabaq ala bilýi kerek. Endi ondaı jaǵdaı qaıtalanbaýy úshin qoldan kelgenniń bárin jasaýǵa tıispiz. Alda kóp jumys bar, – dedi Qasym-Jomart Toqaev.