Altyn Orda tarıhyn baýyrlas elderdiń ǵalymdarymen birlesip zertteý mańyzdy. Atyraýda ótip jatqan «Ulyq ulys – Altyn Orda» atty halyqaralyq ǵylymı-praktıkalyq konferensıanyń qatysýshylaryna joldaǵan quttyqtaý hatynda QR Prezıdent Qasym-Jomart Toqaev osyndaı pikir bildirdi, dep habarlaıdy almaty-akshamy.kz QazAqparatqa silteme jasap.
«Jaıyq jaǵasyndaǵy jáne Ulytaý baýraıyndaǵy kóne eskertkishter men zamanaýı keshender týrızmdi damytýǵa tolyq múmkindik beredi. Tarıhyn túgendep, odan tarıhı taǵylym ala biletin eldiń tamyry berik bolady. Alty Orda kóptegen baýyrlas elderdiń taǵdyrynda da aıryqsha iz qaldyrǵan. Sondyqtan halyqaralyq ǵylymı qaýymdastyqtyń aldynda ortaq shejiremizdi birlese irikteý mindeti tur. Búgingi basqosýda ǵalymdarymyz tyń derekter men salmaqty oı-pikirin ortaǵa salady dep esepteımiz», - dedi Memleket basshysy.
Aıta keteıik, Atyraý oblysynda «Ulyq ulys – Altyn Orda» atty halyqaralyq ǵylymı-praktıkalyq konferensıa ótip jatyr. Shara aıasynda konferensıanyń qararyn qabyldaý josparlanǵan.